Իսրայելի վարչապետը մեկնել է ԱՄՆ
Ռուսական РИА Новости լրատվական գործակալության փոխանցմամբ՝ Իսրայելի վարչապետ Բենիամին Նեթանյահուն այսօր մեկնել է ԱՄՆ՝ նախագահ Բարաք Օբամայի հետ քննարկելու համար պաղեստինցիների հետ խնդիրների կարգավորման հեռանկարները:
Այցից առաջ Նեթանյահուն հայրենակիցներին խոստացել է տուրք չտալ արտաքին ճնշմանը, որն աճում է խաղաղության բանակցությունների ավարտման ժամկետի մոտենալուն զուգահեռ:
Իսրայելցիներն ու պաղեստինցիներն ամերիկացի միջնորդների ջանքերով նախորդ տարի են վերադարձել բանակցային սեղանի շուրջ: Սկզբնական շրջանում նախատեսվում էր, որ նրանք խաղաղության պայմանագիր կստորագրեն 9 ամսում, ինչը սպառվում է ապրիլի 29-ին: Սակայն դա անելու որևէ ցուցիչ դեռ չկա:
