Վերջին օրերին Ռուսաստանից Ղրիմ է բերվել ավելի քան 6000 հատուկջոկատային. աղբյուր
Ուկրաինական UNIAN լրատվական գործակալության փոխանցմամբ` Ռուսաստանի Սևծովային նավատորմի «Նիկոլայ Ֆիլչենկով» խոշոր դեսանտանավը Սևաստոպոլ է հասցրել ևս մոտ 700 զինված մարդ: Ենթադրվում է, որ նրանք Ռուսաստանի օդա-դեսանտային զորքերի ներկայացուցիչներ են:
Այս մասին գործակալությանը հայտնել է Սևաստոպոլում նրա ռազմական աղբյուրը: Վերջինիս խոսքերով` ռուսական դեսանտանավը Սևաստոպոլ է ժամանել գիշերը: Աղբյուրի խոսքերով` վերջին օրերին Ռուսաստանից Ղրիմ է բերվել ավելի քան 6000 հատուկջոկատային, որոնք ցրվել են Ղրիմի ու Սևաստոպոլի տարբեր շրջաններում:
