Ուկրաինան երաշխավորում է Յանուկովիչի անվտանգությունը բանտախցում. Յացենյուկ
Ուկրաինայի վարչապետ Արսենի Յացենյուկը խոստացել է Ուկրաինայի նախկին նախագահ Վիկտոր Յանուկովիչի անվտանգությունն ապահովել բանտախցում, հաղորդում է Цензор.НЕТ-ը: Յացենյուկն ավելացրել է, որ Յանուկովիչն այլեւս նախագահ չէ, եւ պետք է պատասխան տա Մայդանում ցուցարարների սպանության համար:
«Նա պետք է պատասխան տա զանգվածային սպանությունների համար, որոնք կատարվել են իր հրամանով: Ուկրաինայի խորհրդարանը հատուկ բանաձեւ է ընդունել, որով դիմել է միջազգային քրեական դատարանին` անկախ հետաքննություն սկսելու համար»,-պարզաբանել է Յացենյուկը:
