Հայաստանի ու Ադրբեջանի կառավարությունները պետք է շարունակեն պահպանել Օլիմպիական հրադադարը. Ուորլիք
Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր էջում վերստին անդրադարձել է շփման գծի իրադարձություններին.
«Հայաստանի ու Ադրբեջանի կառավարությունները պետք է շարունակեն պահպանել Օլիմպիական հրադադարը (2014) և հրադադարի մասին համաձայնագիրը (1994): Արդեն իսկ զոհվել են մեծ թվով մարդիկ»:
Հիշեցնենք, որ փետրվարի սկզբին Ջեյմս Ուորլիքը Twitter-ի իր միկրոբլոգում գրել էր, որ Հայաստանի ու Ադրբեջանի նախագահները պարտավորվել են պահպանել հրադադարի ռեժիմը Սոչիի Ձմեռային օլիմպիական խաղերի անցկացման ժամանակ.
«Լավ նորություններ կան: Հայաստանի ու Ադրբեջանի նախագահները պարտավորվել են օլիմպիական խաղերի ժամանակ հարգել ղարաբաղյան հրադադարը»:
