Ահմեթ Դավութօղլուն վաղը կմեկնի Ուկրաինա

Ուկրաինական UNIAN լրատվական գործակալության փոխանցմամբ՝ Ուկրաինայի ու Թուրքիայի արտգործնախարներն այսօր հեռախոսազրույց են ունեցել, որի ժամանակ քննարկել են Ղրիմում տիրող իրավիճակը: Այս մասին հայտնել է Ուկրաինայի ԱԳՆ-ի Տեղեկատվական քաղաքականության դեպարտամենտը:

Վերջինիս հաղորդմամբ՝ Ահմեթ Դավութօղլուն ու Անդրեյ Դեշչիցան քննարկել են Ուկրաինայի ներկայիս ներքաղաքական իրավիճակը, Ուկրաինայի սահմաններին տիրող իրավիճակը, ինչպես նաև Ղրիմում իրավիճակի զարգացումը: Նշվել է, որ Դավութօղլուն վաղը ժամանելու է Ուկրաինա:

Հիշեցնենք, որ սրանից առաջ Դավութօղլուն հայտարարություն էր տարածել Ուկրաինայի և մասնավորապես Ղրիմի վերաբերյալ: