Գերագույն ռադան Ուկրաինայի վարչապետ է ընտրել Յացենյուկին
ZN.UA-ի փոխանցմամբ՝ Ուկրաինայի Գերագույն ռադան հաստատել է երկրի վարչապետի պաշտոնում «Բատկիվշչինա» կուսակցության խորհրդարանական խմբակցության առաջնորդ Արսենի Յացենյուկին: Համապատասխան որոշման օգտին Գերագույն ռադայում քվեարկել է 371 պատգամավոր:
Սրանից առաջ Յացենյուկը խորհրդարանում հայտարարել է, որ իր թեկնածությունը չի առաջադրելու երկրի նախագահի պաշտոնում. «Ես պաշտոնապես հայտարարում եմ, որ չեմ պատրաստվում առաջադրվել Ուկրաինայի նախագահի պաշտոնում և հանձնում եմ իմ պատգամավորական մանդատը»:
