Տուրչինովը խոստացել է վաղաժամ խորհրդարանական ընտրությունների անցկացում
Ուկրաինական UNIAN լրատվական գործակալության փոխանցմամբ՝ Գերագույն ռադայի նախագահ, երկրի նախագահի պաշտոնակատար Ալեքսանդր Տուրչինովը երեկ հայտարարել է, որ վաղաժամ նախագահական ընտրությունների անցկացումից հետո անհրաժեշտ է անցկացնել խորհրդարանական ընտրություններ՝ ամբողջովին թարմացնելու համար իշխանությունը:
Ելույթ ունենալով Կիևում «Մայդանի» ամբիոնից՝ Տուրչինովը նաև հայտարարել է, որ հրաժարական կտա այն ժամանակ, երբ Ուկրաինայում կարգավորվի իրավիճակը: Տուրչինովը ենթադրել է, որ տեղի կունենա մեկ ամսվա ընթացքում: Այսօր Գերագույն ռադան դիտարկելու է ժամանակավոր կառավարության նոր կազմը, որը երեկ հրապարակվել է «Մայդանում»:
Ավելի վաղ հայտարարվել էր, որ Ուկրաինայում հերթական խորհրդարանական ընտրություններն անցկացվելու են 2017 թվականի հոկտեմբերին: Ուկրաինայում արտահերթ նախագահական ընտրությունները նշանակված են այս տարվա մայիսի 25-ին:
