Բոլոր կողմերը պետք է առավելագույն ջանքեր գործադրեն ԼՂ-ի հարցում. Ուորլիք
Ադրբեջանական Trend լրատվական գործակալության փոխանցմամբ՝ ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր միկրոբլոգում գրել է, որ բոլոր կողմերը պետք է գործադրեն առավելագույն ջանքեր՝ Ղարաբաղյան հակամարտության խաղաղ կարգավորմանը հասնելու համար: Ուորլիքն ընդգծել է, որ բռնություն գործադրելը չի հանդիսանում հարցի լուծման ուղի:
Հիշեցնենք, որ ԵԱՀԿ գործող նախագահ, Շվեյցարիայի արտգործնախարար Դիդիե Բուրկհալտերը, Վաշինգտոնում ելույթ ունենալով Հելսինկյան կոմիտեի առջև, հայտարարել է, որ ԼՂ-ի հարցում քաղաքական ամենաբարձր մակարդակով ԱՄՆ-ի մասնակցությունը կլինի օգտակար:
