Սաակաշվիլին Վրաստանի քաղաքացի է և կարող է վերադառնալ. Իրակլի Գարիբաշվիլի
Грузия Online-ի փոխանցմամբ՝ ԱՄՆ-ում գտնվող Վրաստանի վարչապետ Իրակլի Գարիբաշվիլին Ատլանտյան խորհրդում ունեցած ելույթում հայտարարել է, որ Միխեիլ Սաակաշվիլին Վրաստանի քաղաքացի է և կարող է վերադառնալ: Լրագրողներից մեկը նրան հարցրել է, թե արդյոք Սաակաշվիլին կարո՞ղ է վերադառնալ Վրաստան:
Ի պատասխան՝ Գարիբաշվիլին ընդգծել է. «Նա հանդիսանում է Վրաստանի քաղաքացի, դրա համար էլ ինչու ոչ, նա կարող է վերադառնալ: Նա երկրից հեռացել է նախագահական ընտրություններից հետո:
Ես կարող եմ ձեզ հայտնել, որ ժողովուրդը կարոտում է նրան: Նա բնականաբար կարող է վերադառնալ, նրա մոտ դեռ Վրաստանի գործող անձնագիր է, այնպես որ նա կարող է առանց խնդրի հետ վերադառնալ»:
Հիշեցնենք, որ վրացական մամուլը հայտնել է, որ երկրի նախկին վարչապետ Զուրաբ Ժվանիային 2005 թվականին սպանել են Միխեիլ Սաակաշվիլու և տվյալ ժամանակվա ներքին գործերի նախարար Վանո Մերաբիշվիլու ներկայությամբ:
