Տիմոշենկո. «Ես այժմ գնում եմ Մայդան»
Տիմոշենկոն հայտարարել է, որ մասնակցելու է Ուկրաինայի նախագահի ընտրություններին
Ուկրաինայի նախկին վարչապետ Յուլիա Տիմոշենկով, ով այսօր է ազատ արձակվել, հայտարարել է, որ մասնակցելու է մայիսի 25-ին կայանալիք Ուկրաինայի նախագահական արտահերթ ընտրություններին: Ինչպես հաղորդում է ИТАР-ТАСС-ը, այս մասին Տիմոշենկոն ասել է լրագրողների հետ զրույցում Խարկովից Կիև թռիչքից առաջ:
«Ես այժմ գնում եմ Մայդան»,- ասել է Տիմոշենկոն: Պատասխանելով ապագա պլանների մասին հարցերին՝ Յուլիա Տիմոշենկոն ասել է. «Ես առաջադրվելու եմ նախագահի պաշտոնի ընտրություններին»:
ИТАР-ТАСС-ի հաղորդմամբ՝ Ուկրաինայի նախկին վարչապետին հիվանդանոցից դուրս են բերել սայլակով, սակայն նա աշխույժ տեսք է ունեցել: Նրան Մայդանում սպասում են 2 ժամից:
