Ռուսլանան սպառնում է հացադուլ հայտարարել, եթե ԵՄ-ը պատժամիջոցներ չսահմանի Ուկրաինայի իշխանությունների նկատմամբ
ZN.UA-ի փոխանցմամբ՝ ուկրաինացի երգչուհի ու հասարակական ակտիվիստուհի Ռուսլանա Լիժիչկոն հայտարարել է, որ կդիմի հացադուլի, թե ԵՄ-ը պատժամիջոցներ չսահմանի Ուկրաինայի իշխանությունների նկատմամբ: Այս մասին նա հայտարարել է Եվրախորհրդարանում տեղի ունեցած մամուլի ասուլիսի ժամանակ:
Նշվում է, որ «Եվրատեսիլ 2004»-ի հաղթող Ռուսլանան ակտիվորեն մասնակցում է Կիևում «Եվրամայդանի» ակցիաներին: Նախորդ տարվա դեկտեմբերի 6-ին Ռուսլանան ցուցարարների առջև ունեցած ելույթում խոստացել էր հրապարակավ ինքնահրկիզում գործել, եթե չկատարվեն ցուցարարների պահանջները:
