ԱՄՆ պետդեպարտամենտն անհանգստություն է հայտնել Ուկրաինայի դեպքերի կապակցությամբ
Ռուսական Интерфакс լրատվական գործակալության փոխանցմամբ՝ ԱՄՆ պետդեպարտամենտն անհանգստացած է Ուկրաինայում իրադարձությունների զարգացման կապակցությամբ: Այս մասին հայտարարել է Պետդեպարտամենտի պաշտոնական ներկայացուցիչ Ջենիֆեր Պսակին:
Վերջինիս խոսքերով՝ ԱՄՆ պետքարտուղար Ջոն Քերին կիսում է փոխնախագահ Ջո Բայդենի կողմից Ուկրաինայի նախագահ Վիկտոր Յանուկովիչին հայտնած խորին մտահոգությունը՝ կապված Կիևի փողոցներում տեղի ունեցած անընդունելի բռնությունների հետ:
Պսակին ընդգծել է, որ Ուկրաինայի խորին օտարացումը չի կարող հաղթահարվել էլ ավելի մեծ անմեղ արյուն թափելու հաշվին:
Հիշեցնենք, որ սրանից առաջ Ուկրաինայի դեպքերի կապակցությամբ ԱՄՆ փոխնախագահ Ջո Բայդենը հեռախոսազրույց էր ունեցել Վիկտոր Յանուկովիչի հետ:
