Օլիմպիական խաղերի ընթացքում «օրենքով գող» է թագադրվել
Ինչպես գրում է «Прайм Крайм» գործակալությունը, փետրվարի 11-ին Ռուսաստանի հյուսիս-արևմտյան շրջաններից մեկում տեղի է ունեցել գողական հավաք, որի ժամանակ «օրենքով գող» է ճանաչվել 40-ամյա քրեական հեղինակություն Սերգեյ Օլեյնիկը (մականունը՝ Ումկա)։
Նա համարվում է Դնեպրոպետրովսկի հանցաշխարհի անփոփոխ կնքահոր՝ Ալեքսանդր Նալեկրեշվելիի (Նարիկ) «աջ ձեռքը»։ Չար լեզուներն ասում են, որ Նարիկը մեծ փողեր է ծախսել Ումկային թագադրելու համար, որպեսզի Դնեպրոպետրովսկում դրսից եկած հեղինակություն չհայտնվի։
Գործակալության տեղեկություններով՝ Օլեյնիկի թագադրման հարցը վաղուց էր քննարկվում նեղ շրջանակներում, և կազմակերպվել է Օդեսսայի գողական աշխարհի վետերան Վլադիմիր Դրիբնիի (Պոլտավա) միջնորդությամբ։ Ումկային աջակցել են նաև տեղացի հեղինակություններ Լերա Սումսկոյը և Նեդելյա Լվովսկին՝ որոնք կողմ են եղել, որ Ուկրաինայի գողերի թիվը ավելանա ոչ կովկասյան ծագման ևս մեկ հոգով։
