Թուրքիան ու Ինդոնեզիան համատեղ կստեղծեն միջին տանկ
Jane’s-ի փոխանցմամբ՝ Թուրքիայի ու Ինդոնեզիայի կառավարությունը համաձայնագիր են ստորագրել նոր, միջին տանկի համատեղ մշակման մասին: Մարտական նոր մեքենան հայտնվելու է Ինդոնեզիայի ցամաքային զորքերի սպառազինությունում:
Միջին տանկի մշակման ծրագրին մասնակցելու են թուրքական FNSS Savunma Sistemieri և ինդոնեզական PT Pindad ընկերությունները: Ակնկալվում է, որ նոր տանկը զինված է լինելու 105 միլիմետր տրամաչափի հրանոթով ու 7.62 միլիմետր տրամաչափի գնդացիրներով:
Տանկի մարտական քաշը կազմելու է մոտ 25 տոննա: Հեռանկարային տանկի նախագծման աշխատանքները Թուրքիան ու Ինդոնեզիան իրականացնում են 2013 թվականից:
