Իշխան Զաքարյանը հանդիպել է Տրայան Հրիսթեայի հետ

2014 թվականի փետրվարի 4-ին Վերահսկիչ պալատում տեղի ունեցավ նախագահ Իշխան Զաքարյանի և Հայաստանում Եվրոպական Միության դեսպան, պատվիրակության ղեկավար Տրայան Հրիսթեայի  պաշտոնական հանդիպումը:

Դեսպանը շնորհավորեց Իշխան Զաքարյանին Վերահսկիչ պալատի նախագահի պաշտոնում վերընտրվելու կապակցությամբ:

Տրայան Հրիսթեան նշեց, որ Եվրոպական միությունն արժեվորում է վերջին վեց տարիների Վերահսկիչ պալատի անցած ուղին և իրենք պատրաստ են շարունակելու և խորացնելու Վերահսկիչ պալատի հետ համագործակցության շրջանակները:

Հանդիպմանը քննարկվեց նաև Վերահսկիչ պալատի բարեփոխումների ընթացքն ու հետագա անելիքները:

Կողմերը երկուստեք գոհունակություն հայտնեցին Վերահսկիչ պալատի և եվրոպական կառույցների միջև գործընկերության ներկա մակարդակի վերաբերյալ, ինչպես նաև քննարկեցին համատեղ նոր ծրագրերի և Վերահսկիչ պալատին ցուցաբերվող տեխնիկական նոր աջակցության հնարվորությունները:

ՀՀ Վերահսկիչ պալատ