ԱՄՆ-ը վերացրել է իրանական IRIB հեռուստառադիոընկերության նկատմամբ պատժամիջոցները
Ամերիկյան Associated Press լրատվական գործակալության փոխանցմամբ՝ ԱՄՆ-ի իշխանությունները ժամանակավորապես հանել են իրանական IRIB պետական հեռուստառադիոընկերության նկատմամբ սահմանած պատժամիջոցները:
Դրանով իսկ արբանյակային կապի օտար պրովայդերները վերստին կարող են ծառայություններ մատուցել իրանական հեռարձակողին՝ չվախենալով ԱՄՆ-ի կողմից իրենց նկատմամբ պատժամիջոցներ սահմանելուց:
IRIB-ի դեմ պատժամիջոցները սահմանվել են մեկ տարի առաջ՝ օտար հեռուստաալիքներն արգելափակելու համար: Բացի այդ, ԱՄՆ-ի իշխանություններին իրանական հեռարձակողին մեղադրել էին հեռարձակած տեղեկատվությունը խեղաթյուրելու մեջ:
Նշվում է, որ IRIB-ի դեմ պատժամիջոցների վերացումը կրում է շրջելի բնույթ և չի հանդիսանում նախորդ տարվա նոյեմբերի 24-ին Ժնևում Իրանի ու «Վեցյակի» միջև պայմանավորվածության մասնիկ:
