Պուտինը կարող է Սոչիում հանդիպել Մարգվելաշվիլիի հետ. Պեսկով
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինի մամլո քարտուղար Դմիտրի Պեսկովը չի բացառել, որ Ռուսաստանի նախագահը կարող է Սոչիի օլիմպիական խաղերի շրջանակներում հանդիպել Վրաստանի նախագահ Գեորգի Մարգվելաշվիլիի հետ:
Մարգվելաշվիլին ավելի վաղ հայտարարել էր, որ կարող է այցելել Սոչի: Պեսկովի խոսքերով՝ Պուտինը Սոչիում հանդիպելու է նաև Ուկրաինայի նախագահ Վիկտոր Յանուկովիչի հետ:
Հիշեցնենք, որ սրանից առաջ հաղորդվել էր, որ Պուտինը Սոչիում հանդիպելու է նաև Թուրքիայի վարչապետ Ռեջեփ Էրդողանի հետ:
