Վերջին ընտրությունները հանդիսացան ընդդիմության վերջը. Իլհամ Ալիև
Ադրբեջանական APA լրատվական գործակալության փոխանցմամբ՝ Ադրբեջանի նախագահ Իլհամ Ալիևը երեկ Ադրբեջանի շրջանների սոցիալ-տնտեսական զարգացմնան վերաբերյալ կոնֆերանսի ժամանակ անդրադարձել է երկրի ներքաղաքական զարգացումներին.
«Մեր ներքին դրությունը շատ կայուն է: Կայունությունը պահպանվում է, որի հիմնական պայմաններն են իշխանության ու ժողովրդի միասնությունը, մեզանում ժողովրդի հավատն ու աջակցությունը: Ընդդիմադիր մի շարք ծախու խմբերի գործունեությունը որևէ արդյունք չի տալիս:
Նրանք, ովքեր ցանկանում էին խանգարել մեզ, վերստին խայտառակվեցին: Այդ մասին վկայեցին նաև նախագահական վերջին ընտրությունները: Ժողովրդի մեծ մասը չներքաշվեց նրանց կեղտոտ կամպանիայի մեջ:
Ժողովուրդը քվեարկեց այն իրողության, այն մարդու օգտին, որին նա հավատում է: Վերջին ընտրությունները հանդիսացան ընդդիմության վերջը: Դա եղավ նրանց խայտառակության գագաթնակետը»:
Հիշեցնենք, որ 2013 թվականի հոկտեմբերի 9-ին Ադրբեջանում անցկացված նախագահական ընտրությունների արդյունքներով՝ գործող նախագահ Իլհամ Ալիևը հավաքել է բոլոր քվեների 84.54 տոկոսը (3.126.113 մարդ):
