ԱԺ մեծամասնությունը մերժեց «գազային» հանձնաժողով ստեղծելու առաջարկը
ԱԺ մեծամասնությունը քիչ առաջ մերժեց խորհրդարանական ոչ իշխանական չորս խմբակցությունների նախաձեռնությունը՝ գազի մատակարարման ոլորտի ուսումնասիրությամբ զբաղվող ժամանակավոր հանձնաժողով ստեղծելու մասին նախագիծը: Ձայների 44 կողմ, 58 դեմ և 3 ձեռնպահ հարաբերակցությամբ ԱԺ մեծամասնությունը հրաժարվեց բացահայտել, թե ինչպե՞ս է Հայաստանը 300 մլն դոլար պարտք կուտակել, և ինչո՞ւ է սահմանային գազի գինը սպառողին հասնում կրկնակի գնով: Ոչ իշխանական չորս խմբակցությունների ներկայացուցիչների փաստարկները, որ այս ոլորտում գործարքները կատարվել են առեղծվածային ձևով, ուստի պետք է բացահայտել, իշխող մեծամասնության համար համոզիչ չհնչեցին:
