Սաստիկ բուք է Գյումրիի, Արթիկի, Աշոցքի, Սևանի տարածաշրջաններում և Ջաջուռի լեռնանցքում
ՀՀ տրանսպորտի և կապի նախարարությունը տեղեկացնում է, որ փետրվարի 1–ին` ժամը 14:30-ի դրությամբ, Սևանի, Իջևանի, Նոյեմբերյանի, Թումանյանի, Գորիսի և Լաչինի ավտոճանապարհներին տեղ-տեղ առկա է մերկասառույց:
Բուքը սաստկացել է Արթիկի և Աշոցքի տարածաշրջաններում, Գյումրի–Աշոցք, Գյումրի-Ջաջուռ լեռնանցք, Սևան-Գավառ, Սևան-Շորժա ճանապարհահատվածներում:
Առատ ձյան պատճառով ծանրաքաշ մեքենաներին խորհուրդ չի տրվում երթևեկել Կիրանց-Ոսկեպար ճանապարհահատվածով:
Ստեփանավանի, Թումանյանի, Նոյեմբերյանի, Տավուշի, Գորիսի և Լաչինի տարածաշրջաններում տեղում է թույլ ձյուն:
Անվտանգ երթևեկությունն ապահովելու նպատակով ավտոճանապարհներին կատարվում են աղով, ավազով մշակման և մաքրման աշխատանքներ:
Միջպետական և հանրապետական նշանակության ավտոճանապարհները
բաց են:
