Չինաստանում վերացվել են աշխատանքային ուղղիչ ճամբարները
Չինական Xinhua լրատվական գործակալության փոխանցմամբ` Չինաստանը վերացրել է աշխատանքային վերադաստիարակման համակարգը: Այսօր համապատասխան առաջարկն ընդունվել է Ժողովրդական ներկայացուցիչների համաչինական ժողովի Մշտական հանձնաժողովի նիստում:
Բացի այդ, օրենսդիրները մեղմացրել են «մեկ ընտանիք – մեկ երեխա» սկզբունքը` թույլատրելով ունենալ երկրորդ երեխան, եթե ծնողներից մեկը ընտանիքի միակ զավակն է: Խորհրդարանը փաստացիորեն հաստատել է նոյեմբերի կեսին երկրի կոմկուսի նիստում ընդունված որոշումները:
Չինաստանի ղեկավարության կարծիքով` այդ փոփոխությունները հանդիսանում են մարդու իրավունքնների ամրագրմանն ուղղված ջանքերի մասնիկը: Աշխատանքային ճամբարների պրակտիկան Չինաստանում ներդրվել է 1957 թվականին, իսկ «մեկ ընտանիք – մեկ երեխա» սկզբունքը` 1970-ական թվականներին:
