Ուկրաինան բանակցում է Հայաստանի հետ՝ ընկերական հանդիպում անցկացնելու համար
Ինչպես հայտնում է ուկրաինական terrikon.com կայքը, Ուկրաինայի ֆուտբոլի ֆեդերացիան (ՈՒՖՖ) բանակցություններ է վարում հինգ երկրների հետ` մարտի 5-ին ընկերական հանդիպում անցկացնելու համար: Հնարավոր մրցակիցների մեջ նշվում է նաև Հայաստանի հավաքականը:
Հիշեցնենք, որ Վարդան Մինասյանի հեռանալուց հետո, ազգային ընտրանին մնացել է առանց գլխավոր մարզչի, իսկ նոր մարզչի շուրջ բանակցությունները դեռ ընթանում են:
Բացի Հայաստանից, ՈւՖՖ-ն բանակցություններ է վարում նաև Բուլղարիայի, Շոտլանդիայի և Ռուսաստանի հետ: Եվս մեկ թիմի անուն չի նշվում:
Ըստ Armsport.am-ի
