14 իրավաբանական անձինք ստացել են ծառայողական ավտոկայանատեղի կազմակերպելու իրավունք
Դեկտեմբերի 25-ին գումարված արտահերթ նիստում Երևանի ավագանու որոշմամբ 14 իրավաբանական անձանց թույլատրվել է Երևան քաղաքի սահմանված տարածքներում կազմակերպել ծառայողական ավտոկայանատեղիներ: Ավտոկայանատեղի ամբողջ տարածքի համար տուրք վճարած ֆիզիկական և իրավաբանական անձինք կարող են սահմանափակել կամ չսահմանափակել տվյալ ավտոկայանատեղում այլ անձանց կողմից ավտոտրանսպորտային միջոցների կայանման իրավունքը, սակայն իրավունք չունեն ավտոկայանատեղից օգտվողից վճար գանձելու:
Այսինքն՝ ծառայողական կայանատեղիների սեփականատերերը իրենց հայեցողությամբ կարող են թույլատրել կամ չթույլատրել կողմնակի անձանց մեքենաները կայանել իրենց տարածքում, սակայն դրա դիմաց գումար վերցնել չեն կարող։
