Եգիպտոսում կալանավորել են նախկին վարչապետին
France-Presse լրատվական գործակալության փոխանցմամբ՝ Եգիպտոսի ոստիկանությունը կալանավորել է երկրի նախկին վարչապետ Հեշամ Քանդիլին: Այս մասին երեկ հայտարարել է Եգիպտոսի ՆԳՆ-ը: Քանդիլը Եգիպտոսի կառավարությունը գլխավորել է Մոհամմեդ Մուրսիի նախագահության ժամանակ:
Նշվում է, որ նախկին վարչապետին ձերբակալել են անապատում՝ Սուդան փախչելու փորձ կատարելիս: ՆԳՆ-ի հաղորդմամբ՝ ձերբակալման ժամանակ նա գտնվել է մաքսանենգների ընկերակցությամբ: Դատարանը այս տարվա ապրիլին (երբ նա դեռ գլխավորում էր կառավարությունը) Հեշամ Քանդիլին դատապարտել էր մեկամյա ազատազրկման:
Քանդիլը մեղադրվում էր Tanta Flax and Oil ընկերության ազգայնացման մասին դատարանի որոշումը չկատարելու մեջ: Այդ ընկերությունը շուկայականից ցածր գնով սեփականաշնորհվել էր դեռևս 2005 թվականին՝ Հոսնի Մունբարաքի նախագահության ժամանակ:
Հուլիսի 2-ին Քանդիլը տանուլ տվեց իրեն ազատազրկման դատապարտելու մասին դատական որոշման բողոքարկումը և հեռացվեց զբաղեցրած պաշտոնից, իսկ սեպտեմբերին նրա դատավճիռը հաստատեց նաև հաջորդ ատյանը: Jerusalem Post-ը հայտնել է, որ Քանդիլը մինչ այժմ կարող էր թաքնվել Գիզայում՝ իր բնակարանը:
