ԱՄՆ-ը ողջունել է Խոդորկովսկուն ազատ արձակելը
Lenta.ru-ի փոխանցմամբ՝ ԱՄՆ-ի իշխանությունները ողջունել են «ՅՈՒԿՕՍ» ընկերության նախկին ղեկավար Միխայիլ Խոդորկովսկուն ներում շնորհելն ու ազատ արձակելը: Այս մասին հայտարարել է ԱՄՆ պետքարտուղար Ջոն Քերին:
Վերջինիս խոսքերով՝ Վաշինգտոնին մշտապես անհանգստացրել է Ռուսաստանի դատական համակարգի թերացումները, ինչը վերաբերում է նաև Խոդորկովսկու ու նրա բիզնես-գործընկեր Պլատոն Լեբեդևի գործերին: Քերին ողջունել է նաև Ռուսաստանի Սահմանադրության ընդունման 20-ամյակի կապակցությամբ լայն համաներում հայտարարելը:
Քերին Ռուսաստանին կոչ է արել բարեփոխումներ անցկացնել դատական համակարգում՝ այն անկախ, թափանցիկ ու հուսալի դարձնելու համար:
