Քաղաքապետարանի գաղափարները թղթի վրա մնացին (տեսանյութ)
ankyun3.am-ի փոխանցմամբ` Ալավերդու Թումանյան փողոցն ու Հայպետշին թաղամասը կապող երկաթգծով անցումը շուրջ մեկուկես տարի առաջ փակվեց, այն էլ՝ մեծ աղմուկով: Դժգոհ էին այդ տարածքում առեւտուր իրականացնողները, ում համար պատի կառուցումը առեւտրաշրջանառության նվազում էր նշանակում: Նրանց կարծիքը հաշվի չառնվեց, որովհետեւ կշեռքի մյուս նժարին մարդկային կյանքեր էին: Գծանցը փակվելուն պես քաղաքապետարանը խոստացավ, որ հսկայական այդ պատը միայն անշուք պատնեշ չի լինի: Պատին գեղագիտական տեսք հաղորդելու գաղափարները մի քանիսն էին, որոնք այդպես էլ թղթի վրա մնացին:
