Ես ռինգ եմ հրավիրում Յանուկովիչին. Վիտալի Կլիչկո
Lenta.ru-ի փոխանցմամբ՝ Ուկրաինայի ընդդիմադիր «ՈՒԴԱՌ» կուսակցության առաջնորդ Վիտալի Կլիչկոն երկրի նախագահ Վիկտոր Յանուկովիչին մեղադրել է Ուկրաինայի ռազմավարական գույքը գրավի տակ դնելու մեջ՝ Ռուսաստանից ներդրումներ ստանալու նպատակով:
Ելույթ ունենալով «Եվրամայդանում»՝ Կլիչկոն հայտարարել է. «Ես ռինգ եմ հրավիրում Յանուկովիչին: Նա իմ անձնական մրցակիցն է»: Կլիչկոն Յանուկովիչից պահանջել է կոնկրետ տեղեկատվություն տրամադրել, թե Ռուսաստանի նախագահ Վլադիմիր Պուտինը ինչ պայմաններում է Յանուկովիչի հետ համաձայնության եկել գազի գնի զեղչման և 15 միլիարդ դոլարի ներդրումների հարցում:
Կլիչկոն ենթադրել է, որ ներդրումների դիմաց պետք է գրավի տակ վերցվեն Ուկրաինայի գազատրանսպորտային համակարգերը:
