Զինվորի ինքնասպանության գործով ձերբակալված 2 զինվորները կալանավորվել են. Փաստինֆո
Դեկտեմբերի 10-ին ՊՆ N զորամասում շարքային Վանիչկա Հովակիմյանի մահվան փաստի առթիվ հարուցված քրեական գործի շրջանակներում ձերբակալված Շմավոն Կյուրեղյանը և Պարույր Մկրտչյանը կալանավորվել են: Այս մասին «Փաստինֆո»-ի թղթակցի հետ զրույցում ասել է ՀՀ ՊՆ քննչական ծառայության ավագ սպա Մերի Սարգսյանը: Շմավոն Կյուրեղյանին մեղադրանք է առաջադրվել 2 հոդվածներով՝ ՀՀ քրեական օրենսգրքի 359-րդ հոդվածի 3-րդ մասով և 182-րդ հոդվածի 1-ին մասով: Պարույր Մկրտչյանին մեղադրանք է առաջադրվել ՀՀ քրեական օրենսգրքի 359-րդ հոդվածի 3-րդ մասով:
