Սիրիայում հայ զինվոր է զոհվել
Սիրիայում դարձյալ հայ զինվոր է զոհվել։ Ինչպես տեղեկացնում է արաբալեզու Khabar Armani կայքը, զոհվածը Հայկ Օքարդեշյանն է, ով մահվանից առաջ ընկերներին խնդրել է իր դագաղը սիրիական դրոշով և եռագույնով ծածկել։
Արաբալեզու կայքի տարածած տեսանյութում երևում է, որ Հալեպի Սուրբ Աստվածածին եկեղեցում զոհվածի մորը ցավակցում են հայ երիտասարդի զինվոր ընկերներն ու նշում, որ իրենք էլ սգացող մոր զավակներն են։
Սիրիայում արդեն երկուսուկես տարուց ավելի շարունակվող պատերազմի ընթացքում զոհվել է ավելի քան 120 հազար մարդ, այդ թվում շուրջ 65 հայեր և ավելի քան 15 հայ զինծառայողներ։
Թարգմանությունը` tert.am-ի:
