Դավութօղլուն Կովկասի հարցը քննարկել է Ջոն Քերիի ու Ուիլյամ Հեյգի հետ հեռախոսազրույցներում
Թուրքական Anadolu լրատվական գործակալության փոխանցմամբ՝ Թուրքիայի արտգործնախարար Ահմեթ Դավութօղլուն հեռախոսազրույց է ունեցել ԱՄՆ պետքարտուղար Ջոն Քերիի և Մեծ Բրիտանիայի արտգործնախարար Ուիլյամ Հեյգի հետ:
Դիվանագիտական աղբյուրները հայտնել են, որ Դավութօղլուն Քերիի ու Հեյգի հետ հիմնականում քննարկել է Սիրիայի հարցը՝ կապված «Ժնև 2» կոնֆերանսի նախապատրաստության հետ:
Բացի այդ, քննարկվել են նաև Կիպրոսի հարցը՝ կապված կղզու երկու առաջնորդների առաջիկա հանդիպման հետ ու Կովկասի հարցը՝ կապված նրա հետ, որ Դավութօղլուն այս շաբաթ մեկնում է Երևան: Կողմերը քննարկել են նաև Բանգլադեշի վերջին զարգացումները:
