Իրանը ռեակտիվ շարժիչներ կտեղակայի սեփական արտադրության անօդաչու թռչող սարքերի վրա
Իրանական ISNA լրատվական գործակալության փոխանցմամբ՝ Իրանը պլանավորում է ռեակտիվ շարժիչներ տեղակայել հայրենական արտադրության անօդաչու թռչող սարքերի (ԱԹՍ) վրա: Այս մասին հայտարարել է Իրանի պաշտպանության նախարար Հոսեին Դեհգհանը:
Վերջինս ընդգծել է, որ այդ շարժիչներն արդեն իսկ պատրաստ են: Իրանը սեփական արտադրության առաջին ԱԹՍ-ը՝ Karrar-ը (թարգմանաբար՝ Հարձակվող), ներկայացրել է 2010 թվականի օգոստոսի 23-ին: Դրանից հետո Իրանը ներկայացրել է սեփական արտադրության մի շարք ԱԹՍ-եր:
