Մարսի վրա լիճ է հայտնաբերվել
Science պարբերականի փոխանցմամբ՝ Curiosity մարսագնացը լիճ է հայտնաբերել Մարսի վրա, որում նախկինում հնարավոր է՝ գոյություն է ունեցել կյանք: Մոտ 3.5 միլիարդ տարի առաջ, երբ Երկրի վրա ի հայտ եկան առաջին միկրոօրգանիզմները, Մարսում առկա էին քաղցրահամ լճեր, որոնցում կարող է կյանք եղած լինել:
Հենց նման մի լիճ է հայտնաբերել Curiosity մարսագնացը, ով արդեն երկրորդ տարին է, ինչ հետազոտում է հարևան մոլորակը: Նրա հայտնաբերած լիճը եղել է քաղցրահամ, այն գոյություն է ունեցել մի քանի հարյուրից մինչև հազար տարի, և իր կազմում ունեցել է մանրէների կյանքի համար անհրաժեշտ պայմաններ:
Կալիֆոռնիայի տեխնոլոգիական ինստիտուտի երկրաբանության պրոֆեսոր Ջոն Գրոտզինգերի խոսքերով՝ եթե ժամանակակից Երկրում բնակվող մի շարք մանրէների գցես Մարսի հին լճի մեջ, ապա նրանք այնտեղ իրենց կզգան ինչպես ձուկը ջրում:
