Եգիպտոսը պլանավորել է նոր Սահմանադրության վերաբերյալ հանրաքվեն անցկացնել 2014 թվականի հունվարի կեսին
Բրիտանական Reuters լրատվական գործակալության փոխանցմամբ՝ Եգիպտոսը պլանավորել է նոր Սահմանադրության վերաբերյալ հանրաքվեն անցկացնել 2014 թվականի հունվարի կեսին:
Նոր Սահմանադրության ընդունումը հանդիսանում է այս տարվա հուլիսին նախագահի պաշտոնից Մոհամմեդ Մուրսիի գահընկեցությունից հետո ստեղծված ժամանակավոր կառավարության քաղաքական ծրագրի մասը:
Եգիպտոսի սահմանադրական խորհուրդը դեկտեմբերի 1-ին ժամանակավոր նախագահ Ադլի Մանսուրին է հանձնել նոր Սահմանադրության ավարտված նախագիծը: Դա կլինի 2011 թվականի հունվարին Եգիպտոսում իրականացված հեղափոխությունից հետո արդեն երկրորդ Սահմանադրությունը:
