«Եվրամայդանի» ուժային ցրումից հետո ցայժմ անհետ կորած է համարվում 14 մարդ. Վիտալի Կլիչկո
Ուկրաինական UNIAN լրատվական գործակալության փոխանցմամբ՝ ուկրաինական «ՈՒԴԱՌ» կուսակցության առաջնորդ Վիտալի Կլիչկոն հայտարարել է, որ նոյեմբերի 30-ին «Եվրամայդանի» ուժային ցրումից հետո ցայժմ անհետ կորած է համարվում 14 մարդ, որոնք դուրս էին եկել փողոցներ՝ իրենց աջակցությունը հայտնելու համար երկրի եվրաինտեգրմանը.
«Այսօր, երբ ողջ երկրում հարյուր հազարավոր մարդկ բողոքում են եվրաինտեգրումից իշխանությունների հրաժարվելու, մարդկանց ծեծի ենթարկելու ու նրանց իրավուքններն արհամարհելու դեմ, Յանուկովիչի իշխանությունը ձևացնում է, թե ոչինչ տեղի չի ունենում և ընդհակառակը՝ ուժեղացնում է բռնություններն ու ահաբեկում է մարդկանց:
Այս վարչակարգը մեղավոր չէ միայն խաղաղ բողոքի դուրս եկած մարդկանց ծեծի ենթարկելու և ձերբակալելու համար: Այս վարչակարգի ուղեկիցները ոստիկանական բաժանմունքներում ծաղրում են ձերբակալվածներին: Իսկ այժմ խաղաղ Մայդանում հայտնաբերվել է դիակ»:
Ավելի վաղ հաղորդվել էր, որ «Անկախության» հրապարակի մոտ հայտնաբերվել է տղամարդու դիակ:
