Սաակաշվիլիի կուսակցությունը պատվիրակություն է գործուղել Կիև
Ռուսական Интерфакс լրատվական գործակալության փոխանցմամբ՝ Վրաստանի նախկին նախագահ Միխեիլ Սաակաշվիլիի «Միասնական ազգային շարժում» կուսակցությունն իր պատվիրակությանը գործուղել է Կիև, որպեսզի դրանով իսկ կանգնի Ուկրաինայի ժողովրդի կողքին:
Ընդ որում, պատգամավոր Գեորգի Բարամիձեն հայտարարել է, որ «Միասնական ազգային շարժում» կուսակցության պատվիրակությունը չի մասնակցի քաղաքական գործընթացներին և միայն կաջակցի խաղաղ զարգացմանը:
Երեկ Новости-Грузия լրատվական գործակալությունը հայտնել էր, որ Կիև է ժամանել նաև Սաակաշվիլին: Վերջինիս կուսակցությունը ո՛չ հաստատել, ո՛չ էլ հերքել էր այդ տեղեկատվությունը:
