Եգիպտոսում հաստատել են նոր Սահմանադրության նախագիծը
France-Presse լրատվական գործակալության փոխանցմամբ՝ Եգիպտոսի նոր Սահմանադրության մշակման հանձնաժողովը երեկ հաստատել է Սահմանադրության նոր նախագիծը: Քննարկված 247 հոդվածից չի ընդունվել միայն հինգը:
Մերժված հոդվածներից մեկն առնչվել է խորհրդարանական ու նախագահական ընտրությունների միջև հերթականություն սահմանելուն (ավելի վաղ ենթադրվում էր, որ խորհրդարանական ընտրությունները պետք է անցկացվեն ավելի վաղ):
Նոր Սահմանադրության ընդունման հարցը պետք է լուծվի հանրաքվեի ժամանակ, որն անցկացվելու է 2013 թվականի վերջին կամ 2014 թվականի սկզբին: Միայն դրանից հետո երկրում կանցկացվեն նախագահական ու խորհրդարանական ընտրություններ:
Նոր Սահմանադրությունում կան հոդվածներ, որոնք դժգոհության տեղիք են տվել եգիպտական հասարակությունում: Դրանցից մեկում նշված է, որ քաղաքացին կարող է կանգնել զինվորական դատարանի առջև, եթե նա մեղադրովւմ է զինծառայողների կամ ռազմաբազաների վրա հարձակում գործելու մեջ:
Սահմանադրության մշակման հանձնաժողովը բաղկացած է 50 մարդուց: Սրանից առաջ էլ հաղորդվել էր, որ նոր Սահմանադրության նախագծում նվազագույնի է հասցվել իսլամի հիշատակումը:
