ԵՄ-ը կարող է հասցեագրված պատժամիջոցներ սահմանել Ուկրաինայում կոնկրետ անձանց նկատմամբ. աղբյուր
ZN.UA-ի փոխանցմամբ՝ ԵՄ-ը կարող է հասցեագրված պատժամիջոցներ սահմանել կոնկրետ անձանց նկատմամբ, որոնք մեղավոր են Կիևում ուժ կիրառելու համար: Այս մասին հայտնել է Բրյուսելում եղած դիվանագիտական աղբյուրը:
Դիվանագետի խոսքերով՝ Ուկրաինայում իրավիճակը լարված է և մտահոգիչ, և ԵՄ-ի երկրները տագնապով են հետևում իրադարձությունների զարգացմանը: Դիվանագետն ընդգծել է, որ իշխանությունները չպետք է թույլ տան փողոցներում իրենց դիրքորոշումը հայտնող քաղաքացիների դեմ անհամաչափ ուժի կիրառում:
Նա հավելել է, որ Ուկրաինայում տիրող իրավիճակի հարցը մոտ ժամանկներս Բրյուսելում դիտարկելու են ԵՄ-ի անդամ 28 երկրների մշտական ներկայացուցիչները: Ամեն ինչ կախված է լինելու առաջիկա օրերի զարգացումից:
Հանգստյան օրերին ԵՄ-ի երկրներն ու ԱՄՆ-ը հանդես են եկել մի շարք հայտարարություններով, որոնցում դատապարտել են Կիևում ցուցարարների ցրման ժամանակ չափից ավելի ուժ կիրառելը:
