Հանգիստ` աղքատության մեջ. ՀԱՀ հյուրանոցներն այցելուներին առաջարկում են մոտիկից ծանոթանալ տեղի ապրելակերպին
Հարավաֆրիկյան Հանրապետության հայտնի հինգաստղանի «Basotho Village» հյուրանոցն իր հաճախորդներին առաջարկում է մտնել աֆրիկյան իրականության մեջ եւ «ապրել» այնտեղ:
Հյուրանոցի տարածքում գոյություն ունի ոչ մեծ բնակավայր, այսպես կոչված Shanty Town («վրանային քաղաք»), որտեղ տեղի բնակչությունն ապրում է ծայրահեղ աղքատության մեջ: Նման փորձը սուր զգացողությունների սիրահարների համար կարող է արժենալ 75 եվրո` գիշերվա համար:
«Սա աշխարհում միակ Shanty Town-ն է, որտեղ կա ջեռուցում եւ Wi-Fi: Այդ վայրը իդեալական կարող է լինել ընկերական հանգստի, թեմատիկ երեկոների եւ բարբեքյուի համար»,-ասվում է հյուրանոցի գովազդային բուկլետում: Միաժամանակ նրանք վստահեցնում են, որ խրճիթներն անվտանգ են անգամ երեխաների համար:
Հյուրանոցի կայքում շատ զբոսաշրջիկներ կիսվել են իրենց տպավորություններով: Մի բրիտանուհի գրել է, որ անմոռանալի տպավորություններ են ստացել, չնայած որ ամուսինը մինչեւ հիմա բուժվում է տուբերկուլյոզից, իսկ երեխաները հրաժարվում են տնից դուրս գալ հոգեբանական տրավմայից հետո: «Բայց մենք առնվազն ունենք հետաքրքիր անցկացված ժամանակ, որի մասին պատմում ենք միմյանց»,-գրում է սուր զգացողությունների սիրահարը:
