Երկօրյա ընդմիջումից հետո բորսայում դոլար վաճառվեց
Այսօր՝ հոկտեմբերի 31-ին, «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի փոխարժեքը կազմել է 405.48 դրամ։ Բորսայական նախորդ նստաշրջանի համեմատ դոլարն էժանացել է 0.07%-ով։ Հիշեցնենք, որ նախորդ երկու օրերին բորսայում դոլարի առքուվաճառք տեղի չէր ունեցել։ Իսկ այսօր վաճառվել է ընդհանուր առմամբ 3 միլիոն 60 հազար դոլար։ Կանխիկ արտարժույթի շուկայում դոլարի առքի գինը կազմում է միջինը 404.5 դրամ, վաճառքինը՝ 407.5 դրամ:
