Իսրայելը 1500 նոր տուն կկառուցի Արևելյան Երուսաղեմում
France-Presse լրատվական գործակալության փոխանցմամբ՝ Իսրայելի իշխանությունները համաձայնեցրել են Արևելյան Երուսաղեմում 1500 նոր շինությունների կառուցումը: Այս մասին հայտնել է Իսրայելի բանակային ռադիոն:
Արևելյան Եվրոպայում նոր տների կառուցումը հավանության է արժանացել Իսրայելի վարչապետ Բենիամին Նեթանյահուի և ներքին գործերի նախարար Գիդեոն Սաարի կողմից: Օրեր առաջ իսրայելցի չինովնիկներից մեկը գործակալությանը հայտնել էր, որ նոր շինարարության մեկնարկը կտրվի առաջիկա ամիսներին:
Նա ընդգծել էր, որ դա համաձայնեցված է պաղեստինյան կողմի հետ՝ Վաշինգտոնում իրականացված բանակցությունների ժամանակ: Պաղեստինյան կողմի ներկայացուցիչներն իրենց հերթին հերքում են նմանատիպ պայմանավորվածությունների առկայությունը:
Իսրայելի իշխանություններն արդեն իսկ ազատ են արձակել պաղեստինցի բանտարկյալների երկրորդ խմբին:
