Այսօր Բրյուսելում տեղի է ունենալու ՆԱՏՕ-Ռուսաստան Խորհրդի նիստը
Ռուսական РИА Новости լրատվական գործակալության փոխանցմամբ՝ Ռուսաստանի պաշտպանության նախարար Սերգեյ Շոյգուն ու ՆԱՏՕ-ի գլխավոր քարտուղար Անդերս Ֆոգ Ռասմուսենն այսօր Բրյուսելում քննարկելու են Սիրիայում, Աֆղանստանում, ողջ Մերձավոր Արևելքում տիրող իրավիճակը, ՀՀՊ-ի խնդիրը, ինչպես նաև փոխադարձ հետաքրքրության կենտրոնում գտնվող ընդհանուր նախագծեր:
Այս մասին երեկ Բրյուսելում լրագրողների հետ զրույցում հայտարարել է Ռամսուսենը: Այսօր Բելգիայի մայրաքաղաքում տեղի է ունենալու ՆԱՏՕ-Ռուսաստան Խորհրդի նիստը, որին առաջին անգամ կմասնակցի Ռուսաստանի պաշտպանության նախարար Սերգեյ Շոյգուն: Նիստից առաջ պլանավորված է Շոյգուի և Ռասմուսենի տետ-ա-տետ հանդիպումը:
