Բիձինա Իվանիշվիլին մտադիր է զբաղեցրած պաշտոնը լքել մինչև նոյեմբերի 24-ը
France-Presse լրատվական գործակալությանը տված հարցազրույցի ժամանակ Վրաստանի վարչապետ Բիձինա Իվանիշվիլին հայտարարել է, որ մտադիր է զբաղեցրած պաշտոնը լքել ենթադրաբար մինչև նոյեմբերի 24-ը:
Իվանիշվիլին ընդգծել է, որ նոր նախագահի երդմնակալությունից մեկ շաբաթ անց հրաժարական կտա և վարչապետի պաշտոնը կլքի մինչև նոյեմբերի 24-ը: Դրա հետ մեկտեղ Իվանիշվիլին հույս է հայտնել, որ իշխող «Վրացական երազանք» դաշինքի թեկնածու Գեորգի Մարգվելաշվիլին կհաղթի նախագահական ընտրությունների առաջին փուլում:
Վրաստանում նախագահական ընտրություններն անցկացվելու են հոկտեմբերի 27-ին:
