Ալի Խամենեին համաներում է հայտարարել
Իրանական Fars լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենեին Ղուրբան բայրամի (Զոհաբերության տոն) և Գադիր Խում տոնի (հոկտեմբերի 24) կապակցությամբ համաներում է հայտարարել:
Համաներումն առնչվել է 1241 դատապարտյալի: Նրան թվում ընդգրկվել են քաղբանտարկյալներ, ինչպես նաև ռազմական հանցանքների համար դատապարտված անձինք: Համաներման մասին դիմումով Ալի Խամենեիին դիմել է Իրանի դատական համակարգի ղեկավար Սադիգ Ամոլի Լարիջանին:
