Դատական հայցերը կաթվածահար են արել բրիտանական բանակն ու նավատորմը. BBC
BBC-ի փոխանցմամբ՝ Մեծ Բրիտանիայի զինված ուժերը կարող են կաթված ստանալ՝ կապված վերջին տարիներին նրանց դեմ ներկայացված դատական հայցերի հզոր հոսքի հետ: 2012 թվականին Միացյալ թագավորության զինված ուժերի հրամանատարության դեմ ներկայացվել է 5827 հայց:
78 միլիոն դոլար ընդհանուր արժողությամբ 2517 հայց ներկայացվել է զինծառայողների կողմից՝ կապված գործատու Մեծ Բրիտանիայի զինված ուժերի կողմից իրենց իրավունքները խախտելու հետ:
29 միլիոն դոլար ընդհանուր արժողությամբ 724 հայց ներկայացվել է թագավորության զինված ուժերում պայմանագրով աշխատող քաղաքացիական անձանց կողմից: Դրանց մեծ մասը հենված է Մարդու իրավունքների եվրոպական խարտիայի վրա:
Ռադիոկայանն ընդգծել է, որ այս ամենի արդյունքում անգամ սերժանտը ստիպված է մտածել հնարավոր դատական հետապնդման մասին, երբ նա հրաման է արձակում Աֆղանստանում մարտադաշտում:
Ընդ որում, զինծառայողները Պաշտպանության նախարարությունից պահանջում են դրամական խոշոր փոխհատուցում՝ իրենց քաղաքացիական իրավունքների ու մարդու իրավունքների խախտման համար:
Մեծ Բրիտանիան ներկայումս ռիսկի է դիմում մնալ առանց մարտունակ զինված ուժերի, որոնք կաթվածահար են եղել դատական հայցերի ու գործընթացների հետևանքով:
