Մոսկվայում Եգոր Շչերբակովին սպանելու մեջ մեղադրվող ադրբեջանցին ընդունել է իր մեղքը
Ադրբեջանական APA լրատվական գործակալության փոխանցմամբ՝ Մոսկվայի Բիրյուլևո շրջանում 25-ամյա Եգոր Շչերբակովի սպանության հարցում գլխավոր կասկածյալ, Ադրբեջանի քաղաքացի Օրհան Զեյնալովը նախնական հարցաքննության ժամանակ ընդունել է իր մեղքը:
Այս մասին հայտնել է գործակալության մոսկովյան թղթակիցը, որն իր հերթին այդ հարցում վկայակոչել է Մոսկվայի ոստիկանությանը: Ներկայումս Զեյնալովը պահվում է ժամանակավոր մեկուսարանում:
Երեկ Զեյնալովին ձերբակալել են մերձմոսկովյան Կոլոմնա քաղաքում, ինչից հետո ուղղաթիռով հասցրել են Մոսկվա:
