PKK-ը Սիրիայում ձևավորել է մոտ 1000 մարդուց բաղկացած գումարտակ. թուրքական հետախուզություն
![](https://168.am/wp-content/uploads/2013/10/51-big.jpg)
Թուրքական Today’s Zaman թերթի փոխանցմամբ՝ «Քրդստանի աշխատավորական» կուսակցությունը (PKK) Սիրիայում ձևավորել է մոտ 1000 մարդուց բաղկացած գումարտակ: Այս մասին են վկայում թուրքական ոստիկանության ազգային հետախուզական դեպարտամենտի տվյալները:
Դրանց համաձայն, Սիրիայում PKK-ի ստեղծած կառույցը կազմված է մի քանի ստորաբաժանումից, ինչպիսիք են արևմտյան ճակատը, արևելյան ճակատը, կանանց գումարտակը և անվտանգության ուժերն ու աշխարհազորը:
Թուրքիայից ու Իրանից ժամանած PKK-ի երիտասարդ զինյալները դրա կազմը համալրելուց առաջ անցնում են քաղաքական նախապատրաստություն, ինչից հետո նրանց սովորեցնում են դիվերսիաների մեթոդները:
Ավելի ուշ այդ կուրսը հաջողությամբ անցածներին տեղավորում են համապատասխան ստորաբաժանման մեջ: Զեկույցի համաձայն, նմանատիպ յուրաքանչյուր ստորաբաժանում բաղկացած է 50 մարդուց: