Զորի Բալայան. Ես նամակ եմ գրել նաև Բրեժնևին, չի իմացել այդ մասին Դեմիրճյանը…
![](https://168.am/wp-content/uploads/2013/10/Zori-Balayan01.jpg)
«Ես հիմա պատրաստ չեմ ոչ մեկի հետ խոսել, նամակը չեմ գրել, որ հետո նամակից հետո էլ մեկնաբանեմ, ժամանակը կգա և կխոսենք հաճույքով»,- ԳԱԼԱ-ի հետ զրույցում ասել է գրող-հրապարակախոս Զորի Բալայանը՝ պատասխանելով այն հարցին, թե ինչո՞ւ, ի՞նչ նպատակով է որոշել նամակ հասցեագրել ՌԴ նախագահ Վ. Պուտինին:
Նա խորհուրդ է տվել նորից կարդալ նամակը, որտեղ բոլոր հարցերի պատասխաններն ըստ նրա կան:
«Ուրեմն չեք կարդացել, կարդացեք նամակը, այնտեղ կա գրված, որ այսօր լրանում է Գյուլիստանի պայմանագրի երկու հարյուր տարին»: Ապա Զորի Բալայանը զարմացավ, թե մի՞թե դա պակաս առիթ է եւ չարժեր նամակ գրել:
ԳԱԼԱ-ի հարցին, թե Սերժ Սարգսյանն արդյո՞ք տեղյակ էր, որ Զ. Բալայանը նման բովանդակությամբ նամակ է պատրաստվում գրել Վ. Պուտինին, Զ. Բալայանին և զարմացրել է, և զայրացրել:
«Բացարձակապես… ինչո՞ւ է այդ հարցը ձեզ հետաքրքրում: Ես նամակ եմ գրել նաեւ Բրեժնեւին, չի իմացել այդ մասին Դեմիրճյանը, ես գրել եմ Գորբաչովին, չի իմացել այդ մասին Լեւոն Տեր-Պետրոսյանը, ես գրել եմ Ելցինին, չի իմացել այդ մասին ամենայն հավանականությամբ Ռոբերտ Քոչարյանը…»:
Ամբողջությամբ կարող եք կարդալ սկզբնաղբյուր կայքում: