Թուրքիան մասնակցելու է Աֆղանստանի նավթահանքերի շահագործմանը
![](https://168.am/wp-content/uploads/2013/10/oilfield.jpg)
Թուրքական Anadolu լրատվական գործակալության փոխանցմամբ՝ Թուրքիան մասնակցելու է Աֆղանստանի նավթահանքերի շահագործմանը: Այս մասին հայտարարել է Թուրքիայի էներգետիկայի ու բնական պաշարների նախարար Թաներ Յըլդըզը:
Վերջինիս խոսքերով՝ Աֆղանստանի կառավարությունը հավանության է արժանացրել թուրքական TPAO նավթագազային ընկերության մասնակցությունը երկրի նավթահանքերի շահագործման հարցում:
Ավելի վաղ Աֆղանստանի նավթարդյունաբերության նախարար Վահիդուլլահ Շահրանին հայտնել էր, որ ներկայումս Աֆղանստանում հայտնաբերվել է 6 նավթագազային հանքավայր: