Իրանը ցանկանում է «Վեցյակի» հետ հանդիպել արտգործնախարարների մակարդակով
France-Presse լրատվական գործակալության փոխանցմամբ՝ Իրանը հոկտեմբերի 15-16-ին Ժնևում «Վեցյակի» հետ բանակցելուց հետո ցանկանում է կրկնել այդ հանդիպումն արտգործնախարարների մակարդակով՝ վերջնականապես ձևակերպելու համար հնարավոր պայմանավորվածությունները:
Այս մասին հայտարարել է Իրանի արտգործնախարար, Իրանի միջուկային ծրագրի հարցով գլխավոր բանագնաց Մոհամմադ Ջավադ Զարիֆը: Վաղը մեկնարկելիք ժնևյան հանդիպմանը «Վեցյակը» ներկայացված է լինելու փոխնախարարների ու քաղաքական տնօրենների մակարդակով:
Զարիֆը հույս է հայտնել, որ ժնևյան հանդիպման արդյունքներով կողմերին կհաջողվի մոտենալ «ճանապարհային քարտեզի» ընդունմանը, սակայն դա անելու համար հավանաբար կպահանջվի արտգործնախարարների մակարդակով հանդիպում:
