Ծաղկաձորում մեկնարկում է Եվրասիական միության ստեղծման ու զարգացման թեմայով հայ-ռուսական կոնֆերանսը
Ռուսական РИА Новости լրատվական գործակալության փոխանցմամբ՝ հոկտեմբերի 14-20-ին Երևանից ոչ հեռու գտնվող Ծաղկաձորում անցկացվելու է Եվրասիական միության ստեղծման ու զարգացման թեմայով միջազգային գիտա-պրակտիկ կոնֆերանս, որին մասնակցում են հայ և ռուս գիտնականներ:
Կոնֆերանսի կազմակերպիչներն են ՌԴ ԳԱԱ Սոցիլոգիայի ինստիտուտը, Հայաստանի ԳԱԱ-ն, Հայաստանում Ռուսաստանի համագործակցության ներկայացուցչությունը, ՌԴ Հարավային դաշնային համալսարանը, ԵՊՀ-ը:
Կոնֆերանսի լիագումար նիստն անցկացվելու է հոկտեմբերի 15-ին, իսկ հաջորդ օրերին մասնակիցները շարունակելու են աշխատանքներն ըստ բաժինների: Կոնֆերանսի մասնակիցները նաև այցելելու են Հայաստանի պատմական ու տեսարժան վայրեր և մասնավորապես Հայոց ցեղասպանության թանգարան-ինստիտուտ:
